鍾耀華和張秀賢分別被判緩刑和社會服務令，同樣毋須即時入獄，陳樹英指這是令她最高興的事，「（法庭）唔應該判啲年輕人入獄，因為佢哋都係為咗理想」，她表示丈夫早有被判監的心理準備，「要判都梗係判啲大人啦」。她又祝福因腦瘤而押後判刑的陳淑莊，指自己事先不知情，但相信對方為免他人擔心才未有透露病情，「我諗大家都唔想嘅，又唔係話做完手術就唔使面對，希望佢早日康復」。
案件判刑前，陳樹英曾表示在丈夫出獄後，計劃二人一同去北極旅遊，如今判刑出乎意料，打亂「出獄大計」，她卻再難有心情慶祝，「暫時唔會諗呢樣嘢住」，認為現時最重要的事是繼續聲援九子，而非慶祝某人不用坐牢。
■記者何家朗