二○○一年樓市先苦後甜，去到第四季總算有多少氣氛；各大地產商中最威應該係九倉，擎天半島一戰功成，贏咗長實港景峰。九倉老友同八方講，佢哋明年啲人工都靠呢個盤；主理售樓事務嘅黃光耀，當然人氣急升，成為新樓神；事實佢又係多橋，擎天招數一浪接一浪，抵佢紮職。
今日元旦，四盤齊開，擎天亦唔執輸，除咗推出新一批單位，重舉行頒獎禮，送金牌畀最突出嘅代理。九倉又諗出一個新噱頭，就係開香檳慶祝，唔係開一支，而係開九公升，取其長長久久之意也。


E-mail：[email protected]