曾蔭培手下有三萬幾個警務人員，有乜嘢方法可以睇得晒咁多部下嘅表現？原來睇報紙係佢嘅秘密方法。噚日警務處同香港青年協會合辦「青少年心中的警察」攝影比賽頒獎禮，主持人嘅一哥就同八方講，啲中學生嘅攝影作品好有水準，不過，佢自己最鍾意嘅唔係冠軍作品，而係一張優異作品，事關張相影到一個喺酷熱中值勤的警員，只係將警帽拎起嚟散熱，無將帽完全除低，充份表現警隊好有紀律，一哥話會寫信去嘉獎佢。一哥話，佢有時睇到報紙啲相片影到啲警員做得好好，都會寫信去嘉許。一哥咁無微不至，唔怪得佢啲部下咁服佢啦！動」。


傳真︰2623-9278
電郵︰[email protected]