當年今日

着老西賣電話 發達喇!
Shine袋百萬變03少年貴族

蘋果日報 2003/01/21 00:00


二人男子組合Shine在今年的樂壇四大頒獎禮中贏得不少獎項,風頭一時無兩,人紅財源自然滾滾來,二人已獲得多個廣告商的垂青,近日他們更以近百萬酬勞接拍手機廣告,他倆更着起西裝塑造年輕貴族形象。
自出道以來首次接拍廣告的Shine,前日在柴灣一影樓為摩托羅拉(Motorola)的C350手機拍攝硬照廣告,他們在廣告中以典雅西裝配以短褲波鞋,造型相當惹笑。
二人在拍攝期間更十足十大細路般拿起手機當手槍互相對射,穿起西裝的Shine更扮占士邦,擺起有型有款的甫士讓攝影師拍攝。

酬勞贈家人
今次雖然是Shine首次拍攝廣告,但已為他們帶來近百萬酬勞,又南說:「好開心,之前同天佑講話想拍手機廣告,真係有得拍,重要係一間咁大嘅公司。今次嘅酬勞我會儲起佢同埋畀屋企人,唔可以亂使。第一次拍廣告感覺好得意,衣着方面係年輕帶點貴族、貴族得嚟又帶點陽光,好特別。」天佑續說:「好開心、好新鮮,對我哋嚟講係一個新嘗試。」
對於今次Shine的造型,創作人Andy說:「我哋係想配合一個開始大個仔、步入另一階段嘅Shine,想有一個突破同自我嘅演繹。」而Motorola市場部經理王小姐對Shine更是讚不絕口,她說:「我哋覺得Shine嘅形象好適合,非常配合部手機,佢哋好有幹勁,工作態度非常好,真係好滿意。」

欲進軍內地
二人除了接拍廣告外,工作更是排山倒海,又南說:「其實都冇諗過話拍乜廣告,最緊要就係拍咗呢個先啦。而我聽日(即昨日)會上上海為TVB拍攝一個短劇,個劇真係好短㗎,去拍三日就完成。」
而天佑則趁着又南單刀赴上海拍劇,便可放假稍作休息,能夠有機會放假三天,天佑神氣地說:「難得有假放,真係好開心。嚟緊我哋會忙於錄音,推出唱片之餘,重要幫其他歌手作歌,而剛踏入新嘅一年,嚟緊希望可以進軍中國市場。」
採訪:羅慧敏 
攝影:陳慧安、何國豪
empty
奪命香雞腳
又南
empty
成個憂鬱小生
天佑