丘成桐數臭香港教育 - 李八方

蘋果日報 2002/01/22 00:00


成為全球第一個華人奪得數學界最高殊榮費爾茲獎(FieldsMedal)嘅丘成桐,噚日出席中大崇基學院五十周年聚餐會時,向在場近八十個大學教授大談教學經驗。佢話自己中學時已經做補習老師,𠵱家就喺哈佛任教,雖然教學經驗豐富,但佢教自己兩個讀緊哈佛嘅仔學中文,都要強迫佢哋先至肯學。
呢位數學大師對香港嘅教育制度就似乎唔係幾好印象,佢重話十年前已經有好多素質好嘅學生放棄喺香港升學,選擇去外國繼續學業,咁樣又點可以留到本地專才喺香港發展。他歸咎係本港教育制度無彈性,只顧提供資訊,令學生吃不消。人哋外國由諗題目、資料搜集同表達方式,都係由學生一手包辦。佢話唔單只制度有問題,香港嘅父母都有問題。香港父母對仔女成績同期望都好高,父母搞到落手落腳幫小朋友做功課,大家諗下咁樣點可以教好仔女呀!
(圖)數學大師丘成桐說自己都是強迫兩個兒子學中文。


E-mail:[email protected]