早年嘅耳骨傳音Handsfree，到近年嘅顎骨傳音手機，都係日本機界一番大諗頭！可能玩開有鋪癮，最近日本Toshiba又發明咗一個「頭骨傳音」嘅音樂枕──音枕RLX羾1。 記者：朱崇德
其實原理好簡單，都係靠枕頭嘅震動，以頭骨作傳導體發出音效！好處係邊瞓覺邊聽歌，都唔怕嘈住隔籬床嗰個！據日本方面測試報告，呢個音樂枕最妙者，竟然做到高、中、低全音域聲效！不過唯一有待改善之處，是好似聽Headphone咁，音效好似從腦中傳出嚟！
為咗安全理由，使用音樂枕時唔會接駁直流電，所以採用內置充電池設計，每次充電玩足8小時，而音樂傳輸工作，則交由一個蛋形的紅外線發射器負責，基本所有以「針插」作輸出的音樂周邊，都可以接駁得上！至於發售日期及價錢，日本方面暫時未有定案。