親自作曲填詞 讚母愛無處不在
GiGi唱媽咪Superwoman
蘋果日報 2003/04/25 00:00
梁詠琪（GiGi）日前在龍蝦灣的村屋為新歌《無所不在》拍攝MV，其間她坐在浴缸旁，大唱這首向天下媽咪致敬的歌曲。GiGi表示其母為照顧她與弟弟，甘願放棄第二春，故她形容媽咪是個superwoman（女超人）。
梁詠琪日前為親自作曲、與陳少琪一同填詞的新歌《無所不在》，在龍蝦灣一幢村屋拍攝MV，由於拍攝地點遠離市區，空氣流通，所以GiGi在鏡頭前後，都沒戴上口罩。
下月便是母親節，《無》曲內容歌頌母愛偉大，GiGi拍MV時，亦親自寫上多張便條送給媽咪，當中有提醒母親在下雨天外出記得帶遮，又大說「我愛你」，甚為感人。
晨早起身煲湯
GiGi還讚母親是superwoman，她日前說：「我覺得媽咪係女超人嚟㗎！我十幾歲嗰陣時，爹哋媽咪離咗婚，媽咪要出去工作，又要照顧我同細佬，重供我細佬去澳洲讀書，𠵱家我賺到錢，係時候畀佢享福。媽咪一直為我哋嘅前途努力，夜晚佢等埋我門至瞓，第日起身又永遠早過我，準備晒湯水畀我帶出門，佢儲嘅剪報重齊過我公司，喺我心目中佢係superwoman。」
GiGi的母親獨身多年，未知梁母曾否考慮再迎第二春？GiGi笑說：「我好贊成㗎，我覺得媽咪好有魅力，有人追佢，但俾佢拒絕咗，因為佢安於現狀，況且佢最錫我同細佬，冇一個人會令佢愛得多過我哋。佢又要照顧我哋，加埋屋企五隻狗一隻貓，已經好唔得閒，所以媽咪都冇乜緋聞。」
採訪：朱芷瑩 攝影：陳志嵐
下月便是母親節，《無》曲內容歌頌母愛偉大，GiGi拍MV時，亦親自寫上多張便條送給媽咪，當中有提醒母親在下雨天外出記得帶遮，又大說「我愛你」，甚為感人。
GiGi還讚母親是superwoman，她日前說：「我覺得媽咪係女超人嚟㗎！我十幾歲嗰陣時，爹哋媽咪離咗婚，媽咪要出去工作，又要照顧我同細佬，重供我細佬去澳洲讀書，𠵱家我賺到錢，係時候畀佢享福。媽咪一直為我哋嘅前途努力，夜晚佢等埋我門至瞓，第日起身又永遠早過我，準備晒湯水畀我帶出門，佢儲嘅剪報重齊過我公司，喺我心目中佢係superwoman。」
GiGi的母親獨身多年，未知梁母曾否考慮再迎第二春？GiGi笑說：「我好贊成㗎，我覺得媽咪好有魅力，有人追佢，但俾佢拒絕咗，因為佢安於現狀，況且佢最錫我同細佬，冇一個人會令佢愛得多過我哋。佢又要照顧我哋，加埋屋企五隻狗一隻貓，已經好唔得閒，所以媽咪都冇乜緋聞。」
採訪：朱芷瑩 攝影：陳志嵐
GiGi拿着書本，一臉悠然。
GiGi表示這首歌是獻給天下母親。
現在名成利就的GiGi，表示要讓媽媽（右）享福。
資料圖片
資料圖片
GiGi親自將心聲寫成便條，送給媽咪。