姚樂怡、洪欣、陳雅倫和謝天華前晚在尖沙嘴一間的士高行婚紗騷，他們穿上婚紗和禮服行天橋，現場瀰漫着一股浪漫的氣氛。
謝天華前晚駕駛一輛綿羊仔電單車出場，而穿上婚紗的姚樂怡則坐車尾，頗有電影《天若有情》的感覺。由於謝天華的駕駛技術不太好，所以姚樂怡千叮萬囑他要小心，她說：「我同佢講如果有乜嘢意外，佢要負責同照顧我。」

同女友感情穩定
謝天華前晚一男伴三女行天橋，他說：「我首次做呢啲活動，我都冇結婚嘅感覺，我同女友感情穩定，佢有催婚，但我冇時間，或者明年會拉埋天窗。」對於老友陳小春近日被指講風涼話暗寸謝霆鋒，謝天華說：「我唔知佢哋之間發生咗乜嘢，涉及感情問題，我唔方便講。」
此外，陳雅倫繼續否認跟電影公司老闆伍健雄在酒吧爆樽事件，她說：「我哋大聲講嘢啫，冇嗌交，我哋重傾緊下部戲合作，呢次咪當幫部戲做宣傳。」
採訪：魯萍
攝影：何國豪