九倉喺山頂同期興建嘅三個豪宅項目中，種植道1號係最後一個，呢個盤交畀兩度榮獲香港建築師學會設計獎嘅名師吳享洪負責，外形比之前兩個摩登。單位全部出租，最平嗰間月租八萬，望港島南區薄扶林一帶海景，喺風和日麗嘅日子真係好有睇頭，不過係人都知山頂潮濕又大霧，好唔好景就要睇天嘞。