【公開閨房】陳柏宇老婆開live直播 一家三口床上家庭樂
蘋果日報 2020/04/11 14:54
陳柏宇符曉薇
（IG截圖）- 囡囡舉起小腳，網民見腳底有痣，媽媽Leanne澄清只是污糟。（IG截圖）
- Leanne今日中午開live直播在床上和囡囡互動。（IG截圖）
- 囡囡伸出小腳，在床邊的爸爸Jason作狀咬住。（IG截圖）
- 一家三口同床。（IG截圖）
- 要起床吃午餐，爸爸Jason拉住囡囡雙腳拖到床邊。（IG截圖）
- Jason之後抱起囡囡出去。（IG截圖）
肺炎疫情持續，不少人都要留在家中抗疫，圈中不少藝人因停工多了時間留在家中，陪家人之餘，又可以開live煮東西、做運動分享生活點滴。近日經常留在家陪老婆符曉薇（Leanne）和囡囡的陳柏宇（Jason），早前開到聲計劃年內想生多個小朋友，今日他太太Leanne竟然開live公開其閨房兼家庭樂。
陳柏宇和太太Leanne不時在社交網上載同囡囡的生活點滴，今日Leanne於社交網開live，直播她在床上和囡囡的互動。在片中見她穿睡衣兼素顏，身旁攬住1歲囡囡陳羿辰（Abigail），兩人仍睡在床上，而囡囡不時伸手爪住媽媽的嘴唇，令Leanne走晒樣。其間，囡囡抬起小腳板，有網民眼利見到她腳板底有痣，Leanne即澄清只是腳底污糟而已，囡囡沒有痣。
鏡頭中亦看到，爸爸Jason亦睡在床的另一邊，可見他們一家三口正同床，其間囡囡向爸爸方向伸出小腳，Jason即馬上挨過去，捉住囡囡的小腳作狀咬下去，逗得囡囡哈哈笑。之後聽到傭人姐姐的聲音，Leanne同囡囡說要起床吃東西，而爸爸Jason伸手拉住囡囡腳，如貨物般拖拉到床邊，見到穿黑tee花花短褲的Jason，一手抱起囡囡，這段約5分鐘的床上互動直播亦隨之結束。