當年今日

  生命可貴勿輕言放棄
  馬丁小學默書攞負分 - 李八方

蘋果日報 2002/01/14 00:00


白鴿黨黨魁李柱銘喺接受電視訪問時大爆自己傷心史,原來佢當年港大畢業,沒有甚麼榮譽學位,結果搞到做唔成律師,要做三年教書先生賺錢去英國讀大狀。
八方都聽過馬丁啲痛苦故事,重慘㖭。話說有次同佢食飯,碰巧當日有個小學生因默書不及格跳樓,大家都覺得可惜,佢同八方講,自己小學英文默書試過負分;原來佢剛從大陸嚟香港,英文科追唔上,老師默書每個錯字扣五分,扣咗二十個錯字後都冇分可扣。
當日默書肥佬,今日成為大狀,做埋香港領袖,所以大家唔應咁易放棄,有志者事竟成。
不過,有啲嘢馬丁好執着,好似死都唔肯同老董做好朋友。佢話,佢兩人做老友對香港未必有益,言下之意,是不同道不相為謀。兩個人都住在港島半山,以前日日喺跑步都碰頭,只係各走各路,永遠係對面擦身而過,既然改不了,又真係無謂勉強。
(圖)李柱銘:有志者事竟成嘛!


E-mail:[email protected]