梁詠琪（GiGi）昨日出席新城活動，與導演馬偉豪大玩畫畫猜題目遊戲，結果GiGi以快而神似的畫功贏得比賽，相反馬偉豪則較遜色，還將責任歸咎於DJ看不見其學生隊員舉手答題，十分搞笑。

梁詠琪、女子組合MiniCookies、張敬軒、導演馬偉豪及漫畫家歐陽應霽等，昨日到喇沙書院出席新城電台舉辦的「知識造創作人訓練班」校園巡禮，GiGi與馬偉豪及一班學生玩遊戲，由ＤＪ出題，GiGi及馬偉豪負責畫畫讓學生猜題目，結果GiGi發揮畫畫天份，以出色的畫功領先。

中學多與女孩為伴
相反導演馬偉豪畫功則比較遜色，學生遲遲未能估中他畫的是甚麼，馬偉豪見狀笑指ＤＪ看不見其隊員舉手回答題目，又要求由學生畫畫讓他估，最終GiGi勝出。
GiGi表示十年前曾到喇沙書院的舞會，當時有不少男生邀請她跳舞，GiGi說：「冇咪好瘀，不過我通常中途會走，因為好悶㗎。我中學多數同女仔玩，男仔問我攞電話，我都會話媽咪唔畀男仔打電話畀我。」

Stephy否認遭杯葛
GiGi母親因心臟有毛病，現時中西醫雙管齊下，GiGi說：「我𠵱家唔畀佢一個人出街，醫生話佢隨時會暈，最怕揸揸吓車暈低會有意外。我話請個看護畀佢，佢又話唔好搞到佢咁老喎。」
近日有報道指MiniCookies的Stephy拍新戲《龍咁威2003》時經常NG，又恃着經理人黃柏高撐腰而擺款，結果遭同片台前幕後杯葛，Stephy昨日說：「你估小朋友玩杯葛咩？我自己拍嘢嘅時候冇呢啲問題，導演谷德昭都打畀我叫我唔好嬲。」看來谷德昭頗疼錫Stephy，不過她說：「或者我係新人佢先會打嚟慰問。」提到有報道指有唱片公司要旗下歌手出席飯局應酬，Stephy說：「公司反而叫我哋唔好去街，如果公司叫到，普通食飯都會去。」
採訪、攝影：陳梅香