釜山phone情:香港隊獎牌停不了

蘋果日報 2002/10/06 00:00


真係好開心,釜山亞運剛剛舉行一個星期,香港隊已經有兩金兩銀六銅成績。而近五日香港每日都有獎牌出現,小記真係希望獎牌停不了,快些突破上屆五金六銀六銅就最完美。
記得香港劍擊教練郭毅能曾經同小記講,以香港這個彈丸之地,運動員要喺亞運最高水平嘅運動會爭取獎牌,其實係一個高難度挑戰;畢竟香港人口唔多,挑選人材有所限制,而運動員嘅培訓更受資源所限,難與中、日、韓,甚至乎東南亞國家般專業。

自備儍瓜機隨時徵用
聽過郭教練一夕話,小記每次採訪香港運動員奪亞運獎牌時就更加珍惜,所以就算攝影器材有幾重,都會自備一部儍瓜機,準備第一時間同呢班香港英雄合照留念。
未來幾日有望添獎牌
亞運重有一個星期就結束,香港隊可唔可以突破上屆成績,仍是未知之數。
照估計,滑浪風帆應該有兩面獎牌在手,重有包括雙人追逐賽等幾個單車項目,以及羽毛球同乒乓球嘅單項,當然最後有李暉壓陣嘅武術,相信香港未來幾日獎牌仍會停不了。