設備完善好過去公園

蘋果日報 2014/06/19 00:00


【改善平衡】
孫太與丈夫逢周六會帶22個月大的兒子,參加協康會體適能課程。孫太表示,因兒子行路時有點「論盡」,「行行吓左腳踢到右腳就會跌低」,希望提升他的平衡力;但公園設施不足及人多,故安排他參加器材較完善的課程。
孫太表示,以往兒子經常跌倒,擔心若不改善,對將來成長及入學有影響。雖然住所附近有公園,但只有滑梯及搖搖板,而且玩耍的小朋友多,「有時想攝個位都好難,公園都係比較大嘅小朋友,佢始終細唔識保護自己,驚佢俾人撞到」。
孫太表示,體適能課程的器材較專業,導師會循序漸進透過遊戲,有系統地訓練小童的大肌肉,「好過自己去公園玩」。參加課程後兒子行路時身體較直,平衡力有改善,「起碼知道跌嘅時候,點樣保護自己。有啲動作上堂做完後,佢返到屋企會自己跟住做;例如上堂跳彈床,返屋企後會自己跳吓跳吓」。因課程中父母及子女會一起上堂,他們視為親子活動之一。
【我撐公投】毅行直播
網頁: http://622popvote.appledaily.com