【C1頭條】拍向西劇出頭 張繼聰寸無綫:網劇係大勢

蘋果日報 2018/03/26 00:00

張繼聰蕭定一向西村上春樹無綫TVB胡杏兒網劇C1頭條電視劇向西聞記HMVOD

近年網上文化成為主流,加上無綫一台獨大,不少劇集被網友批評了無新意,收視更加一蟹不如一蟹,越來越少年青人開電視煲劇,網劇潮流因此乘勢而起。繼由陳小春、陳國坤等主演的網劇《反黑》成功彈出後,另一部由蕭定一旗下公司出品的網劇《向西聞記》在影視程式hmvod免費播出,由張繼聰、胡杏兒等主演的第一個單元《畜牲傳心師》已經上架,因題材新穎向膠劇挑機。
粗口橫飛
做歌手的張繼聰在12年起轉戰電視圈,近年在無綫拍《老表,你好嘢!》、《忠奸人》、《誇世代》等劇集,因演技出色上位,怎知去年因經理人公司跟無綫反面,阿聰被禍連遭無綫封殺至今已經4個月,幸經理人公司投資開拍網劇,將網絡作家向西村上春樹的短篇小說集《向西聞記》拍成網劇,內容反傳統挑戰老土膠劇,阿聰在劇中不但粗口橫飛,跟陳意嵐、甄穎珊有床戲,更有借位扮口交的畫面,挑戰底線。而產後復工、首度拍劇的胡杏兒都打破形象爆粗「收X」,故事又有很多網絡文化如「賽馬傳心貼士」、「塑膠龜」、「旅行青蛙」、「唔同蠢女人拍拖」等。
網友睇完兩集後,留言力撐:「張繼聰證明咗一樣嘢,喺呢個世代大台想整死一個人真係唔易!」、「支持本地有質素製作。」對於獲網友支持,阿聰昨接受本報電話訪問時,力撐網劇是大勢所趨:「自己覺得現今社會,娛樂媒體越嚟越多元化,網劇會係其中一種大勢娛樂,其實喺世界各地好多地方,網劇已經係好主流嘅娛樂,所以我覺得一個健康嘅市場,除咗電視作品之外,網劇都可以並行。」
良性競爭
阿聰認為網劇跟電視劇應該百花齊放:「咁先至會有好多好作品、好演員、好導演、好編劇、好監製,會有更多好機會,我覺得應該係一種良性競爭,說到底始終媒界唔同,電視劇需要受到一啲指引或廣管局規限,呢樣嘢都好合理嘅,咁網上可能少咗啲限制。因為係網劇,作品長度、拍攝題材都同我以往拍開嘅劇集好唔同,所以對我嚟講好有新鮮感,公司呢個系列網劇係好好嘗試,台前幕後大家好認真拍攝,蕭生都係好有呢種觸覺畀我哋去試呢個市場,所謂網絡文化其實有好多好有趣、生活化作品,蕭生好聰明,攞咗呢啲元素將佢拍成網劇,亦都係一個好有誠意作品,希望觀眾會喜歡。」
現在《向西聞記》已於本月8及15日上架第一、二集,但至昨日仍未播出第三集,不少心急觀眾在網上問甚麼時候播?蕭定一在電話說:「4月1號會去台灣拍第3集,之後陸續會拍其他,5月尾會一次過擺13集上網。」
empty