收費電視營辦商之一的YesTV去年中找來老字號「中電」做拍檔而出盡風頭，但中電喺最後一刻退出，令到YesTV相當大鑊，要出嚟解畫。其實，YesTV有一個實力雄厚、卻被忽略的老拍檔邵氏媒體（ShawMedia）。
八方聽講，邵氏媒體雖然與上市公司邵氏公司及電視廣播無直接關係，但屬於六叔邵Sir家族的投資基金，來頭不小。八方噚日下午在灣仔君悅酒店YesTV舉行記者會場地見到邵Sir姪孫、邵仁枚孫仔邵在純代表邵氏媒體現身記者會，佢好cool，唔肯同八方傾多兩句，只係強調佢哋不會增持股權。邵仁枚就是當年與邵Sir合作創辦「南洋影片」的兄長，該公司便是後來聞名的「邵氏兄弟」。
（圖）邵逸夫姪孫邵在純現身記招，但就唔多肯講嘢。


E-mail：[email protected]