日本天王木村拓哉今季演出新劇《I'mHome》，因為要同同季有新劇《Dr.倫太郎》嘅堺雅人作收視比併，所以佢都放下天王身份，木村噚晚播出嘅第三集中，又跪地又瞓地之外，仲出埋浴㖭。

故事講到木村出席前外父嘅七周年死忌儀式，結果被前妻嘅親戚話佢冇良心打到佢瞓地，後來木村又參加囝囝運動會，跪地阿仔。但係粉絲最高興嘅當然係木村有個出浴鏡頭，繼前兩集後再次騷肌。不過都幫唔到收視，呢集收視跌至13.5%，頭兩集都贏堺雅人，但《Dr.倫太郎》第三集有13.7%收視，終於都贏番一集，睇嚟仲有排鬥。