肥媽瑪莉亞、葉麗儀、陳潔靈及大馬歌手AnitaSarawak一連兩場個唱前晚結束，特首曾蔭權伉儷也有捧場。肥媽聲稱跟特首是好朋友，更賣口乖說：「我願意抽稅抽到80歲！」

兩場「亞洲殿堂天后演唱會」前晚在紅館圓滿結束，何鴻燊與三姨太陳婉珍、關菊英、狄波拉夫婦等均有捧場，特首曾蔭權和太太鮑笑薇也是坐上客。

鞠躬致謝

肥媽整晚不時提及特首，她說：「紅館11點幾又話要收工，係乜嘢紅館嚟㗎？特首你要諗諗辦法，睇吓可唔可長啲呀？」她獻唱《MaMaILoveYou》時泣不成聲，並說：「香港係冇懷才不遇嘅，你哋可以問特首，特首都係普通人咁，一齊嚟睇演唱會，與眾同樂。」特首連忙與太太站起來向現場觀眾鞠躬及揮手，肥媽又說：「我願意抽稅抽到80歲。」
約10時半，特首伉儷本準備離開，此時輪到葉麗儀出場，現場響起《上海灘》的音樂，兩人隨即坐下，待欣賞過後，才於10時45分離開。
事後肥媽透露跟特首家人熟稔，並由她邀請特首到場欣賞，她說：「我親自打畀佢，都唔記得特首嚟睇演唱會要透過中聯辦，要有保安。其實特首都係普通人，識欣賞好嘅演唱會，大家濟濟一堂冇高高在上嘅感覺。」前晚張耀榮談到與相交20年的關菊英傳緋聞一事時，他說：「我冇緋聞，唔好問我。」說完即面紅紅。他續稱：「我以前同佢姐夫一齊搞發電機生意，都成10幾年前嘅事。」
採訪：駱華齡
攝影：陳俊強