喺法國電影《小孤星》裏面飾演過小孤星媽媽嘅女影星瑪莉特蘭蒂尼昂（MarieTrintignant），前日朝早喺立陶宛一間酒店被打到昏迷同腦出血，即時被送去當地一間醫院做腦部手術，現時情況嚴重。據講當日瑪莉同飲醉咗嘅男友喺酒店爭執，之後佢重能夠自己打電話落酒店大堂叫人報警。現年四十一歲嘅瑪莉喺法國係出名嘅綠葉演員，極具知名度，我羅拉希望佢吉人天相啦！