江希文母憑女貴，帶住一歲B女返港住沙宣道四千呎但冇佢個名嘅大宅，反而已屆85歲嘅奶奶就一個人在加國。之前江希文一嫁入胡家幾個月就已經爆出同奶奶不和，「惡新抱」形象令人側目。

今日就有報道指，當日胡漢清與母簽下和解協議，同時亦將上海大宅及400萬給予母親作生活費，事件才平息。至於去年五月為胡漢清誕女嘅江希文，亦於上月中低調抱B返港，入住沙宣道大宅正式做女主人。

報道引述「知情者」謂，曾修讀設計嘅江希文一早已諗定點樣為自己嘅新天地煥然一新，但當時爆出胡老太爆大鑊一事，更傳出江希文唔俾八旬奶奶返大宅，而胡老太當時都話明唔認呢個新抱，傳聞對江希文非常不利，故安排佢去英國安胎以避風頭。依家，江希文總算夢想成真，可以返港過其幸福生活，更將呢間四千呎大宅改頭換面——原來有五間房嘅大宅，變成三間套房，包括一間過千呎嘅主人房連衣帽，一間書房及一間囡囡房，出入亦係坐老公架Audi房車。

已經升呢做闊太嘅江希文，亦同其他闊太一樣，得閒帶埋工人同BB去利園掃BB衫，又約埋老公一家三口同父母聚天倫。胡漢清都對外父外母好熱情，報道指一家人日前到數碼港食晏，食完之後講byebye，胡漢清都有主動上前同兩老整個goodbyekiss。


【我撐公投】毅行直播

網頁: http://622popvote.appledaily.com