徐子淇、陳穎妍、張睿玲、黎淑賢、姚嘉妮和男友林祖輝，前晚在鑽石山荷里活廣場，出席「和平之光倒數Party」。幾位女星均作性感打扮，並拖着犬隻在台上行天橋、表演和倒數，其中以大露背裝示人的張睿玲最為搶鏡。
預購開聲藥
徐子淇幼年曾被狗嚇過，從此對狗有陰影，前晚她在台上拉着小狗行天橋時，顯得戰戰兢兢，而她拖着小狗的帶子又斷掉，徐子淇被迫抱着小狗行天橋，幸好小狗乖巧，未有把伊人嚇倒。
徐子淇前晚更開金口，即場唱英文歌《Bringitallback》，反應不俗。徐子淇說：「前晚（即大前晚）媽咪先話畀我知要唱歌，我平時唔多唱卡拉OK，唔超過五次，本來為咗今次表演，我專登去買咗容祖兒食嗰啲開聲藥，但頭先出嚟太忙都唔記得食。」不過徐子淇的男友洪天明前晚卻未見捧場。
戴同款手鏈
而黎淑賢表示丈夫盧惠光仍留在深圳拍戲，昨日凌晨倒數完，她即打長途電話給丈夫，黎淑賢說：「老公佢打緊牌慶祝，好安全，佢重話啱啱食胡，我問佢送乜嘢禮物畀我，佢話送層樓！」
此外，陳穎妍和她的中性打扮女助手，昨日被發現戴上同款手鏈示人，可見二人感情十分好。
採訪、攝影：汪正文