中環在線:中航租賃上市儀式
何猷亨舊愛搶鏡 - 李華華

蘋果日報 2016/06/02 00:00


噚日中銀航空租賃(2588)上市儀式上,出現一位短裙長髮嘅年輕美女,佢唔係上市公司太子女,而係保薦人之一高盛嘅分析員陳可欣(Sabrina)。翻查資料,原來佢係「十優港姐」麥明詩喺英國劍橋大學嘅同屆同學,仲係賭王何鴻燊四房公子何猷亨嘅前女友,相當巴弊,佢2014年大學畢業後加入高盛。
24歲嘅Sabrina噚日同中航租賃董事總經理馬銳博企埋一齊影相,輕易搶晒鏡。市場一向都知道,投資銀行特別多名牌大學畢業嘅俊男美女,高盛請Sabrina都唔出奇,佢𠵱家做分析員,兩年年資左右。聽聞,大行請呢類尖子後,部份勤力嘅,真係可以落手落腳寫報告,否則有機會只做花瓶。
empty
短裙長髮嘅Sabrina站在中銀航空租賃CEO馬銳博身旁,十分突出。 李潤芳攝
曾獲賭王及四太稱讚
Sabrina家境富貴,在港讀過張祝珊英文中學,之後去咗英國升學,順利入讀劍橋經濟系,跟讀法律系嘅麥明詩都係校內出名嘅靚女,雖然兩人都係來自香港,但聞說兩人並唔friend。
Sabrina多年前做過何猷亨女友,翻查資料,四太喺2012年一次公開活動,有公開讚過Sabrina聰明,讀書又叻,賭王更指猷亨女友做「Full Marks」滿分,可惜何猷亨最後都係捉唔實呢位高素質女友,不過後生仔女拍拖都好少話要結婚生仔。

李華華
mailto:[email protected]
empty
Sabrina幾年前與何猷亨拍拖,曾獲賭王四太讚聰明。 資料圖片