「加油」被編入牛津字典，市民對入津無乜太大feel。

其實香港本土已經夠材料，可以自己編輯一套後傘運詞典。像近期最鬼扯的，「港獨是不是選項」，是最「萬能key」的官方封殺借口，子彈都慳返，選項，已有罪。


傘運後，「DQ」執行了N次，使用率之高，是潮語之冠。將來有機會以DQ清袋取代一Q清袋，書迷等住村上春樹寫包膠的DQ84吧。

「選舉主任」本來很難入典，但近年曝光率極高，反面人氣排公務員第二，僅次「黑警」。

不久將來，跟明日大嶼同步，法官都可以炒魷，由選舉主任兼職。主任大人，是咁的，市民信納你好on9，憐憫做人做到你咁柒，確係百年牛津不遇。

「紅線」，請勿超越。港鐵四線會一齊仆，就係因為條黃線未轉紅。

「搬龍門」已成極權常態，個波明明射入了白界，黑哨判你入球無效。還叫人「射票落海」？

講呢啲，黐隱線！