【新娘係邊個】傳潘瑋柏即將結婚 爸爸授課講起阿仔漏口風 ?

蘋果日報 2019/01/04 11:38

結婚潘瑋柏Luna

38歲台灣歌手潘瑋柏身家逾2.5億港元,出道17年嚟感情保持低調,佢曾經講過35歲想結婚,後嚟又改口,稱以事業為重,40歲先諗結婚,佢都戴定頭盔,話如果「碰到對的人是另外一回事」,呢位「對的人」似乎出現咗,今日被爆要結婚喇,「爆料者」仲係任職教授嘅潘爸!?
據台灣報道指潘瑋柏爸爸潘志偉喺課堂上,講起囝囝嗰陣,唔小心向學生透露囝囝即將結婚,網民仲影埋潘爸嘅正面相,之網民猜測結婚對象就係東方航空空姐Luna,有大陸報道向潘瑋柏身邊嘅工作人員求證,對方否認呢個消息,稱潘爸愛開玩笑,稍晚會出官方聲明。
剛才「潘瑋柏工作室」微博澄清:「Boss說謝謝大家這麼關心他的大事,但目前未婚,也還沒有人願意嫁給他,哈哈,但已收到大家關注,會繼續努力。」
潘瑋柏同Luna早前被爆於台北市大直豪宅同居,Luna更刪走自己嘅Ig,潘瑋柏所屬公司當時只稱「對於藝人私事不予回應」,未有否認戀情;據知潘瑋柏近年主力喺大陸發展,經上海嘅朋友介紹下認識Luna,有傳潘瑋柏喺上海工作嗰陣,Luna都有去探班(新聞連結: https://bit.ly/2H88540 )。
精選娛聞,喺晒《娛果》
http://fb.com/appledailyent