正所謂有錢就任性，中國球壇出晒名錢多，冠軍級教頭肯嚟，多多錢都俾得起，好似宜家中超冠軍廣州恒大教練史高拉利，國足教練納比，都係世界盃冠軍教練，幫德國拎上屆世界盃嘅路維，據報亦俾中超球隊睇中。

據德國傳媒報導，有一間冇開名嘅中超球隊，準備明年俄羅斯世界盃之後，就邀請德國教練路維執教，而且人工多多都出得起，準備開到5,000萬歐元（約4.3億港元）年薪，認真跨張。雖然路維同德國嘅合約到2020年先到期，不過上年歐國盃帶隊表現麻麻，下年世界盃有咩不測，路維都有可能走人，所以中超球隊開到咁吸引嘅人工，就真係幾心動。