現年39歲嘅安琪蓮娜祖莉（AngelinaJolie），早已同51歲嘅丈夫畢彼特（BradPitt）育有6位子女，自從佢早前公開咗自己摘取子宮防癌，冇得再生小朋友後，各地傳媒都紛紛傳佢有意於敍利亞領養，又有消息話佢哋今個夏天完結前會於敍利亞領養多一個B女。

據英國報章《TheExpress》話引述同畢安合作嘅夥伴話：「安琪蓮娜因為敍利亞孤兒嘅慘況而落淚，0依家佢自己有健康問題，佢覺得同畢佬係時間去領養一個女兒。」

安琪蓮娜由2012年起，已經先後6次探訪敍利亞災民，對當地甚為熟悉嘅佢，難怪又傳出有意領養嘅消息。