爆機狂迷1︰
洛杉磯搶先直擊E3開鑼XBOX360最搶客

蘋果日報 2005/05/20 00:00


今年E3可以話係主機年,三大廠商都一早透露會公布新一代主機資料,而繼SONYPS3同微軟XBOX360「偷步」於E3開幕前日搞咗記者會鬥快出新機外,一向「我行我素」嘅任天堂,新機Revolution終於喺會前揭下神秘面紗,可惜真正到E3開鑼時,3部新世代主機只有XBOX360任玩任試,可算獨領風騷

記者、攝影:許福合
empty
empty
empty
empty
電腦暗地支援XBOX360
今次XBOX360令玩家最受落之處,係Set咗好多台360新Games試玩,不過玩得唔代表進度比PS3快,原來經筆者查探下,雖然有部360,不過旁邊重放咗部PC做支援,而且怕太熱,重每部跟咗把大風扇,究竟現場玩家喺度玩緊XBOX定係PC,真係難以分得清楚。新主機終於來個大瘦身,可以單手拎得起。機身用上白色,感覺上好似Mac機,令人一改大牛龜嘅印象,現場更擺放唔同面板嘅主機,話唔定將來可自裝XBOX面板㖭!機前設有光碟盤,而下面就有2組記憶卡槽,而手掣就改為無線接駁主機,唔使再拖拖拉拉。XBOX360變得輕身原因之一,係硬碟改為可換式設計,容量為20GB,保留咗硬碟,證實XBOX360將會完全支援舊有XBOX遊戲,換機升級都唔使擔心喇!
empty
empty
■手掣繼承XBOX,大夾穩。
empty
16:9靚畫面
每次有新主機推出,當然唔少得Sell吓硬件機能,XBOX360使用3.2GHzPowerPC處理器及ATI繪圖晶片,論運算能力可能比好多人用緊嘅電腦都強,而且下一代遊戲,都力求配合HDTV規格,XBOX360遊戲都會對應720p及16:9畫面,視覺效果將會更為震撼,同時亦會顧及到普通用家需要,使用傳統電視亦能顯示正常效果,加上XBOX一向有提供5.1音效,聲畫效果皆得到升級!
Live發展已經相當成熟,亦成為XBOX360利器之一,而服務亦分為免費Silver同收費Gold兩方面,基本上成為新機機主之後,就已經可以立即使用網上服務,進行LiveChat、睇Trailer同下載遊戲新地圖等,若想上網打餐飽,就要使用Gold服務。XBOX360除咗作為一部遊戲主機,同時亦身兼影視中心,能夠播放DVD、欣賞電腦中影片、音樂、短片同相片,有如一部小電腦。
empty
■加個WebCam上Live,連樣都可以睇埋。
empty
■未知遙控係咪跟機,睇戲操作都更方便。
empty
■玩Live當然唔少得咪同聽筒。
矚目遊戲實地試玩

《TopSpin》
新一代主機都以像真度高見稱,呢款《TopSpin》網球Game更係似到十足十,角色造型衣着都酷似真人,而且動作流暢自然,肯定花過唔少功夫,打起波上嚟零舍真實投入。留意場景背後嘅大背景,並唔係如賽車Game咁2D紙板人,而係全3D立體人!話唔定可以玩埋人浪㖭,可算係功夫做足!
empty
《Condemned》
各大廠商一向都努力向《生化危機》借鏡,可惜到家陣出到位嘅恐怖Games仍然唔多。呢款由MonolithProductions所製作嘅恐怖動作遊戲,就值得XBOX捧場客期待;玩法係扮演一名FBI探員,所要偵辦的是一件充滿懸疑連續殺人案件,氣氛營造及鏡頭運用均相當不俗,用埋16:9闊屏幕玩更係一流。
empty
《FullAuto》
由SEGA所製作嘅賽車遊戲,畫面充滿美式風格,明顯以西方市場為主打。比賽中玩家可以破壞所有路旁所見到嘅障礙,畫面有啲似《OutRun》,同樣以顏色鮮豔、風景明媚為賣點,而經XBOX360嘅強大運算能力,效果更為出色,可算係世嘉目前做得最靚嘅賽車Game。
empty
《NeedforSpeed:MostWanted》
《NeedforSpeed》系列夠晒長青,由電腦版到家用遊戲機版都出過唔少版本,好多鍾意賽車Game嘅機迷都玩過。新作憑着XBOX360機能,廠方可更着重車體嘅真實性,畫面流暢自然,最正係保留咗追逐玩家嘅警車,除咗畫面靚之外,賽車Game必須之速度感亦具備。
empty
現場花絮
empty
■雖然E3對比東京遊戲展較少ShowGirl,不過場中仍不乏靚女SellGames。
empty
■NYX搵嚟香橙Twins出場晒肚皮,都博到唔少菲林。
empty
■雖然有Cosplay,不過質素相當之嚇人。
empty
■新《蝙蝠俠》就快上映,連帶相關公司都有部蝙蝠電單車出場。
玩家意見
empty
Ivan:玩過《TopSpin》,效果比街機網球Games還要好,不過稍嫌球手賣相卡通。
empty
Whicky:新設計嘅手掣手感唔錯,無咗記憶卡又變得更輕手,對360第一個印象唔錯。
empty
Phyllis:用16:9嚟打機,效果震撼,而且用來玩第一身遊戲,總覺得可以睇得多啲。
XBOX360PROFILE
處理器:IBMPowerPC3.2GHz
顯示晶片:ATI處理器(10MBEDRAM)
主記憶體:512MBGDDR3(700MHz)
光碟機:12×DVDROM
儲存:20GB硬碟
擴充插頭:WiFia/b/g、Ethernet
特別功能:支援HDTV/1080i、向下兼容舊有XBOX遊戲、無線控制器