明日浸水仙頭迎新春

蘋果日報 2002/01/14 00:00


春節期間,屋企又點少得擺番盆水仙花呢!現成水仙花一盆閒閒哋都要百零蚊,自己𠝹則十蚊都唔使,其實要自己𠝹水仙頭都唔係難事,只要預備一把水仙刀,喺短短十零分鐘內即可完成。預計新年較凍,明日開始浸水仙頭就啱時候嘞!
蟹爪水仙
蟹爪水仙即係用雕刻技術去改變水仙嘅生長形態,要自己𠝹都唔難。

步驟
企頭水仙
企頭水仙係最基本𠝹法,當水仙花盛放時便會以垂直一枝枝向高生長。

步驟
浸水仙頭須知
浸水仙必須具備「水、光、氣、暖」四個元素。即水不能多,陽光要充足,空氣要流通,保持溫暖氣溫。而唔同氣溫,浸養嘅時間亦有唔同,10℃或以下,需時約40日;15℃左右,需時約28日;20℃或以上,則只需要20日。估計今年新年應該會凍,若要喺過年前令水仙開花,大概今個月中(1月15日-18日)開始浸水仙頭都差唔多啦!

揀水仙頭要訣
1.企頭式擺放,宜揀腳部嘅腳仔較少,腳仔多要切除就可惜。
2.按水仙頭前後是否軟身,無硬物即代表成熟花芽多但側芽少,容易𠝹。按頭兩側,若厚實即表示花菖多,相對花苞亦多。水仙頭愈大愈佳。
3.要分辨水仙花單瓣抑或雙瓣,可以睇水仙頭嘅根部,圓形為單瓣,市面大多數會係單瓣水仙花,襟擺啲;方形為雙瓣。唔識分可向店員查詢。
所需用具
雨花石(圖右):$10-$15/包,約半磅至一磅重。
水仙刀(圖中):$25/套,有兩把刀,一把專責𠝹水仙頭,另一把則可用作刮泥之用。
水仙盆(圖左):二十零蚊至百零蚊個不等。
醒目小貼士
1.今年水仙花頭最平都只係$5個,而圓周有27公分大嘅水仙皇,$45個,一箱有五頭。
2.浸蟹爪水仙最好用面積大而深度淺嘅盆較適合,而企頭水仙則要用較深嘅盆。
3.水仙頭經長時間浸過會流出有毒物質,必須徹底洗淨。浸水仙頭初期,記緊每日換水,亦不要直接曬太陽。浸養期間可加適量水仙壯花素,由$2.5-$5包不等。如花凋謝宜剪去,因枯花消耗嘅養分更多。

記者:陳冰麗
攝影:關文慧

示範:山城花藝賴榮春(23800703)
地址:旺角花園墟道10號A舖地下
鳴謝:山卡啦園藝(23916622)
地址:九龍太子道西160號G-F地下