當年今日

投資Blog:監獄管理公司買得過

蘋果日報 2006/10/13 00:00


博客Jeff係《JeffreyLin.Net》中指出,美國囚犯現時得到政府稅款嘅資助頗多,甚至高過學生資助金額,而一個囚犯嘅日常開支更比學生學費貴兩至三倍。他對呢種情況深表不滿,覺得政府花費咁多稅款喺監獄開支之上,實在不太值得,倒不如將錢投放於教育比較好啲。
Jeff認為政府處理稅款不當,因而沉思點樣至可以從股票投資中拿回部份稅款,其中一個恰當嘅做法,就係投資喺與監獄管理有關的公司,如CorrectionsCorp.ofAmerica。呢間公司本身經營及管理超過60間聯邦政府拘留所,遍及19個州份,並擁有豐富的相關管理經驗。佢指出,現時聯邦政府監獄近乎「爆棚」,超出可容納人數約30%,而全美國監獄就有高達約2.2百萬名囚犯,可見州政府對於外判監獄管理予私人公司的需求十分殷切,於是CorrectionsCorp.就乘時而起。
兩個問題要考慮
不過,佢認為作出有關投資決定之前,先要考慮兩個問題:1.未來囚犯人數會否不斷上升?2.政府會否繼續外判監獄管理予私人公司?他相信未來囚犯人數只會有增無減,而鑑於私人管理較政府管理更為有效,預期外判的情況會更普及,加上CorrectionsCorp.在市場上並沒有太多競爭對手,相信係不錯嘅投資選擇。該公司股價現為45.8美元,過去1年升近80%,不過佢再三強調,上述只是個人看法,不能作準。