風水學家蘇民峰於前日出版的《忽然1周》曾預言張柏芝今年行衰運，衰至○四年，指柏芝火上加油，整體運差上加差，結果和前晚張柏芝飛車爆炸發生意外，不謀而合。

「唔好博」
蘇民峰昨日接受本報電話訪問時說：「張柏芝夏天出世係熱命人，最忌係火，呢幾年都係大火年，所以行衰運，就算表面上好都係虛火。所以佢應該穩守突擊至○四年，所有嘢都唔好博，包括愛情事業各樣，唔好做危險嘅嘢。不過佢今年應咗呢一劫，應該之後冇乜大問題嘅，○四至○九年佢有六年大運行。」
蘇民峰教熱命人在命中加水，在家中正東方擺音樂盒，而南西、西面和北面各擺設一杯水，可以提升運勢。

街坊責無線收買人命
張柏芝前晚為無綫籌款節目《慈善星輝仁濟夜》錄影「炮彈戰車衝天飛」時弄傷腰部，據知柏芝需要卧床休息一個月，不能如常去洗手間，要以成人紙尿片代替如廁，就無綫今次找來柏芝作危險表演，是否忽略藝人安全問題，記者昨日在沙田火車站外向半百市民作街訪，有半數人以上均認為此舉有收買人命之嫌，但亦有部分市民認為演出是迎合觀眾要求，不過柏芝都有一定責任。
劉太：「雖然有少少收買人命，但一年一次籌款，觀眾鍾意睇嘛！」
林小姐：「呢啲表演係互動，唔係無綫錯晒，柏芝本身都有責任。」
林小姐：「今次係意外啫，佢梗係自己衡量過先做啦，唔通監佢去咩！」
採訪：張止寒