當年今日

羅嘉良、唐文龍大打出手

蘋果日報 2002/08/02 00:00


羅嘉良與唐文龍昨日於茶果嶺為無綫拍攝新劇《衛斯理》,在劇中雖然兩人首次碰面,卻大打出手,真是不打不相識。由於拍攝現場空氣不太流通,兩人不時大汗叠細汗。
嘉良笑言:「拍呢套劇都瘦咗啲,不過瘦咗幾多就冇磅過。」問到嘉良曾與他傳出緋聞的佘詩曼被拍得在陳浩民家中過夜,他表示:「吓!人哋嘅嘢唔方便評論。」

冇追過阿佘
而同樣因拍劇與佘詩曼傳緋聞的唐文龍,被問到有否覺得甩難時,他說:「係囉!其實我哋本來就冇嘢,大家都係同事,咁男仔識女仔、女仔識男仔都係天經地義,不過之前夠有雜誌話我追阿佘,我都唔係啦。」
採訪、攝影;王崇穎