陳可辛同吳君如嘅囡囡出世冇幾耐，佢就去咗美國做嘢，前晚又單拖去紅館睇鄭中基演唱會。馮仁昭問陳可辛個女啲嘢，陳可辛笑晒話幫個女諗咗名，但未決定用邊個，問佢點解唔陪君如同個女，自己走嚟睇騷，陳可辛話：「人哋（鄭中基）十年一次，嚟捧吓場囉！」問陳可辛有冇打算擺滿月酒，佢話：「點解要擺？自己喺屋企慶祝就得啦。」