油價長期高企，車主每次入油都牙痛咁聲，Shell同Citibank合作推咗張白金VISA聯營卡－ShellCitibank白金卡，用呢張卡入油或消費簽賬都有現金回贈。
有乜賣點：Citibank環球個人銀行信用卡業務總監倫鄒淑慧說，ShellCitibank白金卡專為香港駕駛人士而設，提供入油同消費玩樂優惠。只要12月31日前成功申請，卡主喺批卡後60日可獲得雙倍現金回贈，每入1公升油，有1.4至2.6元入油回贈，其他消費簽賬則有2%現金回贈。
推廣期後，入油回贈介乎0.7至1.3元，其他消費簽賬亦有1%現金回贈。另外，迎新禮品係200元現金獎賞。除咗回贈，卡主會有其他駕駛優惠，包括喺Shell油站買機油同用電腦洗車程式、香港汽車會、大昌行特定汽油及《人車誌》訂閱優惠等。
注意事項：迎新禮品只適用於全新客戶，並須於首2個月累積簽賬滿2800元或以上，先可以獲得200元現金獎賞，並會喺批卡後4個月內存入白金卡戶口。要申請呢張白金卡，年薪要求只需15萬元，但只豁免首年年費。所有回贈只限於下一個月自動喺信用卡戶口內扣除，任何喺Shell嘅消費簽賬，都不設上限，但回贈不可與ShellBonusCard同所有其他卡類產品一齊使用。