為慶祝男士用品品牌Gatsby隆重登場，徐子淇、蔡安蕎、戴辛尉聯同組合EO2及E-KIDS，昨日在尖沙嘴舉行的活動中大玩遊戲，蔡安蕎用多張面油紙在EO2成員面上吸油，場面搞笑。而大會更讓眾嘉賓任選Gatsby用品，徐子淇表示會選取止汗劑自用。

昨日假尖沙嘴舉行的Gatsby開幕活動，大會請來一班青春派藝人包括徐子淇、蔡安蕎、戴辛尉及EO2等人出席，眾人更大玩遊戲如女藝人要用面油紙幫男士們吸面油，其中蔡安蕎便在EO2成員Eddie面上，貼了多張面油紙，另外亦透過電腦效果配上假髮，效果十分有趣。

乾淨為先
昨日各出席嘉賓均可任選Gatsby用品，徐子淇表示她會選取止汗劑，但由於Gatsby是男士用品，記者問她是否轉贈給父親？徐子淇則說：「唔係呀，我攞嚟自己用㗎，呢啲止汗劑好似番梘咁之嘛，只要用咗乾淨咪得囉，喺外國女仔用男士止汗劑好普遍啫。」
而早前徐子淇幫鄧達智行catwalk，被指腰腿皆十分肥胖，昨日她說：「睇完篇報道，我更加要立定決心減肥。我𠵱家有一百一十一磅，我希望可以成功減十磅啦，其實我呢類型嘅身形喺英國已經算係好瘦嗰隻，但係一同香港女仔比，即刻顯得我好肥㖭。」

收入不俗
另外，徐子淇指這個暑假努力工作，收入甚豐，她說：「我未正式計數，重未知呢個暑假賺咗幾多錢，不過我都唔會隨便用，都係會儲起佢。」
採訪：WongChingMen
攝影：ChanKwingWai