隔牆有耳:娥特捧小紅姐場 殺入後台探班 - 李八方

蘋果日報 2019/01/04 00:00

隔牆有耳林鄭月娥惠英紅玻璃動物園

去年7.1,惠英紅代表藝術及文化界,獲特區政府頒授銅紫荊星章,授勳當日,娥特推開老公林兆波蹺住惠英紅集郵,娥特仲變身小粉絲,同惠英紅講好鍾意睇佢啲戲,叫佢繼續加油。

噚晚娥特獲邀到北角新光戲院,睇惠英紅主演嘅舞台劇《玻璃動物園》,身為惠英紅粉絲嘅娥特,自然唔放過見偶像機會,喺開騷前仲特登入後台為偶像打氣,惠英紅經理人霍汶希(Mani)仲影咗娥特探班相,post喺社交網開心share!相中見到娥特同惠英紅合照時笑到四萬咁口,除咗惠英紅外,林鄭亦有同《玻》劇中幾位主角如滕麗名等一齊影大合照,咁當然,林鄭同偶像惠英紅合照嗰張,林鄭笑得特別燦爛啦!