時間：1999年4月

地點：澳洲

人物：郭富城

經過：郭富城除咗係愛車之人，仲係個惜花者，不過佢揀車嘅眼光好過揀靚女多多聲，如果唔係當年都唔會咁唔小心墮入「桃色陷阱」。
99年4月，城城去澳洲悉尼開演唱會，認識咗個女仔叫ChristineYoung，城城同佢一撻即着，仲喺當地酒店「傾密偈」。點知呢個原來係個「桃色陷阱」，當時有個叫DavidLy嘅人，用針孔攝錄機偷拍城城同Christine喺酒店嘅密會過程，兼且喺同年9月四圍向傳媒兜售呢盒桃色錄影帶。

頒全球禁制令

之後城城出席公開活動時，曾經眼泛淚光回應呢件事，話自己唔好彩，感情上遇到騙子。同年10月，城城嘅經理人小美向澳洲最高法院申請全球禁制令，禁止DavidLy同Christine將影帶複製同出版。官司打足一年，至00年9月當地法院裁定城城勝訴。
桃色事件搞到城城事業一度跌落谷底，好在近年終於反彈，仲成為兩屆金馬影帝，愛情路上，佢同內地名模熊黛林嘅緋聞熱哄哄，真係事業愛情兩得意。
本欄逢周一至周六刊出