宗教問題有時一引起爭議，就真係好棘手。好似噚日收到嘅一份萬佛寺通訊，用了四大頁紙向董特首申訴，就睇到八方頭都大埋。
話說萬佛寺早排塑了五百個金身羅漢，有部分安奉在萬佛寺的斜坡。政府多個部門為咗佛寺安全，擔心斜坡結構受影響，避免九七年山泥傾瀉事件重演，所以希望佛寺先做報告，大家再開會傾傾。
點知嗰頭萬佛寺就寫信畀董特首，話希望佢老人家主持公道，甚至想由佢出面，要求曾經報道過呢件事嘅報紙道歉。唔止咁，一班雲南政協香港委員重聯署一封信畀阿董，要求佢貫徹一國兩制同宗教政策。
睇嚟呢件事真係愈搞愈大，不過八方唔係好明，究竟五百羅漢同一國兩制有乜關係呢？


E-mail：[email protected]