當年今日

韓戰地手記:中「國足毒」想中國贏

蘋果日報 2002/06/04 00:00


世界盃前,同好多香港人一樣,理性咁講中國唔夠班,點都贏唔到哥斯達黎加,一分都攞唔到;但係賽前好似受到其他內地記者主觀願望感染,中咗「國足毒」──中國有機會做亞洲塞內加爾,對國足充滿憧憬。

份外有親切感
其實真係唔知點解喺想法上會改變,話晒中國同塞內加爾實力點都有距離,要呢支亞洲世盃初哥有令人意外的驚喜,實非易事。之不過,當唔少外國記者見到你係由香港嚟,問吓中國隊嘅問題,認同咗香港係中國一部份,加上接觸國足球員較多,藏在心底的愛國情懷就完全走晒出來,話晒國足係自己國家嘅代表隊,感覺始終唔同,起碼周圍都係黃皮膚,份外有親切感。

國足懂得享受世盃
其實,從部份中國國家隊成員發表心底說話,知道佢哋明白到要享受世界盃比賽,真係同以前未打比賽就話一定要贏心態好唔同,思想上更上一層樓屬好事。最後結果會係點?今日自有分曉。