憑《倩女幽魂》獲得金馬獎最佳編劇嘅阮繼志，寫緊一個真人真事勵志電影劇本。故事主人翁係輕度痙攣嘅二十一歲「神奇小子」蘇樺偉﹙圖左﹚，原來導演重打算搵埋佢做男主角㖭。偉仔苦練跑步成才嘅故事的確非常感人，佢細細個返幼稚園時企都企唔穩，但長大後遇到體育教練潘Sir，喺佢苦心栽培下，終於變成「世界飛人」，屢在傷殘人士奧運會同其他國際賽事嘅賽跑中刷新世界紀錄。
呢套片嘅導演陳學人話有人肯投資四百萬畀佢拍蘇樺偉嘅故事，佢諗住八月就會開鏡。八方噚日趁蘇樺偉領取「香港紅十字會學校傑出成就獎」時問佢拍電影嘅事，佢話如果拍得成會好開心。八方都祝願呢套電影有《阿甘正傳》咁成功!



傳真︰2623-9278
電郵︰[email protected]