【我主場】夏雨、鮑起靜帝后攻城計

蘋果日報 2015/05/16 00:00


演員離巢無綫不再是新鮮事,為了「補血」,無綫暗地裏向影后級人馬、亞視舊將鮑起靜招手,65歲的鮑姐只求好劇本,最後選了被政府拒發免費電視牌的港視,與08年奪得視帝、現年69歲的夏雨合作新劇《歲月樓情》。兩位好戲之人首度聯手,夏雨豪言:「如果王維基攞到牌,我哋呢部劇同無綫任何一套劇嚟比都唔會輸!」
撰文:嵐山
無綫(TVB)和電盈旗下的香港電視娛樂(nowTV)均獲發12年免費電視牌照,電視大戰蓄勢待發。有實力、具潛質的演員不愁無出路,李司棋和何傲兒相繼約滿離巢,不簽死一間電視台似乎已成大趨勢。夏雨和鮑起靜同樣是自由身演員,早前為港視合作演出新劇《歲月樓情》,日前在尖沙嘴受訪,夏雨笑謂:「一個亞視、一個無綫,諗唔到港視喜相逢。」
鮑姐於3年前離開服務33年的亞洲電視,但亞視自王征接手後甚少開劇,鮑姐說:「最後一部喺亞視拍嘅劇叫《香港GoGoGo》,都係2010年嘅事,所以我好餓電視劇,接到呢部好開心。」問無綫有沒有邀請合作?鮑姐有點尷尬說:「有嘅,但又覺得冇乜好機會啱到。」夏雨搶說:「無綫好難簽到呢啲人,吸引佢嘅唔係錢,無綫畀得幾多吖?無綫天王巨星都唔及大陸一個二、三線(演員),十幾萬蚊一集,你搵得鮑姐,吸引佢嘅係畀好角色,一年簽一部都簽呀。」鮑姐點頭認同:「都係,每個演員都希望遇到好劇本同好導演。」既然無綫求才若渴,那夏雨可有想過「愛回家」?他陰陰嘴笑說:「我走咗兩、三年啫,但我喺TVB一啲都冇唔開心,都苦苦……挽留咗我好多次,我話不如我出去試吓啦。」
empty
視帝夏雨和亞視之寶兼金像獎影后鮑姐,多年來各為其主,最後在港視喜相逢。資料圖片
empty
豪言對撼一定贏
歸根究柢,無綫近年劇集質素屢被批評乏味欠新意,黃金時段的劇集要靠外購劇《武則天》撐場,但又保守用CG封胸;即使是由汪明荃和劉松仁擔正的《華麗轉身》,收視和口碑亦只屬一般。
難怪夏雨大膽向《華》劇挑機:「我肯定嚟講,如果王維基攞到牌,我哋呢部劇同無綫任何一套劇嚟比都唔會輸!就同《華麗轉身》比啦,如果大家都係用大氣電波,8點半播,睇吓收視幾點,咁就最公道。」對亞視不接受王維基買時段播劇,夏雨直言感失望:「點擊實蝕底㗎,所以我發夢都諗住聽日要去亞視宣傳,即使亞視係先天不足,零收視都得㗎喎,因為我哋呢部劇講係獅子山下情懷,一定入屋。」鮑姐則說:「有少少可惜啦,𠵱家亞視情況係幾危急,可以維持到幾多個月都唔知嘛。」
empty
無綫要靠封胸版的外購劇《武則天》撐場。
電視圖片
empty
鮑姐夏雨同屬好戲之人,自然吸引無綫招手。
夏雨和鮑姐對港視劇有讚無彈,鮑姐表示有追看《導火新聞線》,夏雨分析箇中原因:「有錢有時間就有好製作,當初王維基扯咗無綫好多精英出嚟,八個總導演,個個要交題材劇本上去。佢哋有一個自由創作同搏殺嘅心,會唔會衰畀自己睇先?但無綫係一個大機構,工廠嚟嘅,今年要製作乜嘢係定咗,唔係你監製話想拍乜就乜。所以王維基拍到啲乜片出嚟,大家有目共睹,啲觀眾唔係儍㗎嘛!」
場地:THE AIR at The ONE
服裝:Marina Rinaldi(鮑起靜)
【率先睇】
第5集
《歲月樓情》今集講述冠雄(黃日華飾)和浩昌為兄弟日南孭上三百萬債務,日南自責累街坊。而蔡蓉(鮑起靜飾)看得出嘉莉(唐寧飾)對冠雄有意思,擔心嘉莉會破壞冠雄的家庭。
empty
第6集
成叔(夏雨飾)在家吃湯圓竟塞住咽喉,差點冇命!意外令嘉莉明白要珍惜眼前人,鼓起勇氣向冠雄示愛,但被蔡蓉及時阻止。
empty