當年今日

鬧市拍廣告場面墟冚
陳慧琳信Fans拒請保鑣

蘋果日報 2002/06/04 08:00


陳慧琳(Kelly)前晚在中環遮打道封路拍攝富士產品廣告,Kelly在廣告中飾演一位超級巨星,所以拍攝現場有過百位臨時演員,分別扮演記者、fans和保鑣,其中六位外籍大漢更鏡頭前後都貼身保護Kelly,令她拍攝時份外放心。
前晚十時許,Kelly穿了一件性感的紅色低胸連身裙拍攝,不用埋位時,工作人員將一條綠色圍巾圍着Kelly,以免讓人睇蝕。現場泊了一架開篷保時捷跑車,地上鋪了綠色地氈,Kelly行上地氈時,飾演記者和fans的臨時演員立即將她圍住,外籍保鑣則替她開路。

申請封街拍攝
Kelly的經理人鍾珍在場陪着她拍攝,鍾珍說:「呢個廣告要拍兩晚,今晚係第一晚,會拍通宵,而聽晚會拍廠景,因為只得兩日拍攝時間,所以都好趕。我哋早幾個禮拜申請喺度封場拍攝。」
早前有內地歌迷以死要脅要見Kelly,問鍾珍會否考慮請私人保鑣貼身保護她?鍾珍說:「唔使,之前Kelly返內地都冇請保鑣啦,其實Kelly都好同情呢位fans,佢唔擔心呢啲問題,佢對鍾意自己嘅fans有信心。」

收逾百萬酬勞
由於廣告尚未出街,所以在場的工作人員見到有記者採訪時顯得很緊張,一度和記者發生衝突,他們為了不讓記者拍攝Kelly的造型,更用黑布擋着記者的鏡頭。至於酬勞方面,鍾珍說:「酬勞OK啦,好理想,但幾多就唔講得,過百萬就一定有。」而廣告將會於暑假播出。
採訪:魯萍
攝影:何國豪