羅兆輝於前年底燒炭自殺獲救後，一直低調地處理慳電機公司業務，但近日他頻頻接受訪問，更自爆當日並非燒炭自殺，而是被人謀殺。昨日羅兆輝接受本報訪問時，自稱在燒炭事件後曾得到不少富豪朋友幫忙，其中李嘉誠亦曾以封利是形式送贈二千萬元給羅兆輝，以解他燃眉之急。
數年前羅兆輝曾一度與李嘉誠合作做生意，所以當羅兆輝個多月前遇上經濟困境時，他曾致電李嘉誠希望商借二千萬元，而李嘉誠亦十分大方，開了一張二千萬的支票放在利是封內命人送給他。
記者向羅兆輝求證時，他說：「係有咁嘅事，其實唔止咁多㖭！我哋𠵱家重有生意合作，原本過年嗰陣我打算還錢畀佢，點知佢話過時過節，千祈唔好講啲咁嘅嘢！」
對於外間有人認為他言行舉止失常，羅兆輝心平氣和地說：「我根本冇失常，呢輪我都唔知幾忙，一直喺美國同加拿大搞緊慳電機公司。」

二千三百萬購遊艇
昨日記者在羅兆輝的寫字桌上，看到一張在意大利購下遊艇的合約，羅兆輝說：「我好鍾意坐船出海，所以我喺意大利買咗一艘價值二千三百萬嘅遊艇，你睇吓張遊艇相靚唔靚？近期有人話我情緒反覆，其實係因為我知自己如果可以搞掂慳電機公司生意，公司可以得到好多回報，所以開心過頭，一時之間唔知點適應。」

燒炭後遺症
據醫護界人士經驗，燒炭自殺的人就算獲救，亦往往因腦部曾缺氧而影響四肢活動能力、記憶力衰退、癡呆，甚至影響智力。因為在燒炭過程中，會釋出一氧化碳，據相關報告顯示，有患者在中毒後二至二十一天會出現「遲發性神經病變」後遺症，症狀有大小便失禁、智能減退、步態不穩，嚴重者會有癡呆症及精神病。
採訪：甘比