擔心塌山
非法挖泥危及毗鄰祖墳

蘋果日報 2012/07/02 00:00


非法挖泥事件引發白沙村村民極大迴響,因為毗鄰元朗大棠的藍蛇嶺殯葬區,屬白沙村原居民專用的殯葬區。
每逢有村民去世,需要獲民政事務署核准才可安葬該處,現時村民最擔心塌山,祖墳被毀。
「10年來做咗好多嘢,希望個祖宗瞓得好,平安無事,家咁樣,做後人的你話嬲唔嬲?」雙親均葬於此的易先生形容,山脈原本看似一隻手,現時被斬走一半,再不理會「成隻手冇晒」。他直言圍村人篤信風水,如今殯葬區環境遭破壞,他心生不忿:「你影響咗我條村,影響咗葬區嘅風水,要補救問題。我要求他還原,畀番個交代村民。」
易先生曾與貨倉的地主交涉,但對方愛理不理:「得啦,到時睇吓點搞掂,個倉我都會收番唔租,清番佢搞掂。」地主只說會轉告貨倉老闆,但至今毫無改善。
堪輿學家李丞責指出,先人在風水好地下葬,有助福蔭後人,中國傳統視動人祖墳為折福之舉,也影響後人運程,當中以在墓地後山動土影響最大,視為斷龍脈,而在墓地左方為青龍位,主文書、名氣、男性晚輩,動土有損學業等,但他強調,實際影響視乎座向及地形。《蘋果》記者