當年今日

  肥龍有計劃地低調 - 李八方

蘋果日報 2006/10/13 00:00


大家有冇覺得,肥龍許仕仁做咗政務司司長咁耐,低調咗,好似成日唔見人咁?原來佢係用心良苦,前排佢同人講,其實係刻意咁做嘅。老許話回歸後,做特首嘅老董角色好似董事局主席,先後做政務司司長嘅陳太同煲呔就係行政總裁。
不過,煲呔做咗特首搵佢做CS之後,佢覺得咁樣唔係好掂,因為煲呔應該係做主席兼CEO嘅角色,佢自己就做COO(ChiefOperatingOfficer,營運總監)就算,即係執行主席決定嗰個。換言之,特首應該制訂政策,然後由政務司司長去執行。
老許仲同人講,唔好以為佢成日失蹤,其實佢見過好多人,只不過傳媒唔知道啫。佢又話,自己唔應該搶特首風頭喎。