鄭伊娜今日喺尖沙咀出席一間美容中心開張，佢話好想擔任美容嘅代言人，問佢想唔想整容或者隆胸﹖佢話：「我驚架，好怕痛，打針都會暈，不過如果有代言做都ok嘅，但係我從來冇呢份勇氣，所以我依家係全天然。」

如果想整，唔知伊娜會選擇咩部位﹖佢話：「包包面，V少少就夠。」效法顏子菲隆胸﹖伊娜即刻表示：「佢話痛過生仔喎，有少少羨慕，但又會擔心，因為唔知將來會點，好怕有副作用。」

星期日係母親節，伊娜表示佢會煮大餐，又會同家姐、細佬一齊諗買咩禮物。自從離開亞視之後，伊娜透露機會多啲，遲啲仲會拍微電影添！