當年今日

  解放軍公關技巧勝特首辦 - 李八方

蘋果日報 2002/01/14 00:00


八方收到讀者報料,話有一日在禮頓道,見一輛解放軍私家車(車牌ZG102)裝上了懷疑違例的茶色玻璃。根據法例規定,車頭擋風玻璃的透光度須為百分之七十五或以上,其他玻璃則不能少於百分之七十,不過特殊用途的政府車輛則不受規管,如懲教署囚車或救護車等。
八方於是致電解放軍新聞發言辦公室,問吓佢哋係咪同樣不受規管,定係唔覺意踩咗界。解放軍的趙上尉即時對市民同本報「對駐軍的關心表示感謝」,正在了解香港法例同有關車輛是否違規,重保證如確實有問題,會立即糾正。八方覺得解放軍回應傳媒的技巧,比正在競選連任的阿董更得體。
其實駐港解放軍一直好努力省靚自己個招牌,除咗軍營開放日上演「軍民魚水情」,大時大節又會寄信問候吓傳媒記者,最近還於金鐘軍營掛上江總題字的「明天會更好」宣傳牌鼓勵吓香港人,如果呢次因為唔熟法例破壞形象就唔抵。


E-mail:[email protected]