任達華怕打傷羅拉任達華早前到美國洛杉磯及三藩市宣傳有份演出的西片《盜墓者羅拉：生命之匙》，他表示今次除了有機會與荷李活頂級導演及演員合作外，更與當地不少製作單位見面，對開拓國際市場有很大幫助。
任達華說：「我喺首映上見到導演奧利華史東，佢都讚我打得好好，但係我始終唔會放棄香港同中國嘅市場。」

動用重型武器
任達華稱與女主角安琪蓮娜祖莉的一場對打戲印象難忘，他說：「我哋對打時各自拎住好重嘅武器，雖然知道安琪蓮娜已經買重保險，但係都唔可以令佢受傷嘛，但又唔可以就住，好彩出嚟效果大家都好滿意。」
問任達華安琪蓮娜被傳撬澳洲女歌手KylieMinogue牆腳，對此他說：「呢方面我唔知呀，我哋淨係傾飲飲食食同玩嘅啫。」
採訪：林妙萍