正當一般巿民要喺網上排隊登記，先攞政府遲咗幾個月先派到嘅「CU Mask」布口罩之際，一眾行會成員今朝據聞已率先獲政府派發一人一個。其中自己有間「CareHK匯愛」口罩廠嘅經民聯議員林健鋒，今日就一邊向記者示範戴今朝至攞到嘅CU Mask，一邊笑住話自己嘅出品先係最好：「咁你問我，我梗係話我自己嗰隻最舒服㗎啦！唔係賣花讚花香，呢個係事實嚟㗎！」佢又話今日純綷係「試戴」一下政府嘅布口罩啫，聽落好快就會同政府嘅CU Mask講see you。

林健鋒又話，既然政府做得咁大批布口罩，應該提供唔同款式畀巿民使用，「如果（一家）有成6、7個（布口罩），夜晚個個洗完之後，第二朝攞錯咗，有啲人會有唔同嘅擔心。」佢又話，覺得政府喺口罩嘅設計同包裝，可以再擺多啲心思，話其實好多漫畫、電影主角嘅圖案都好得意，只要唔係侵權，政府未來生產口罩時，都可以諗諗係咪可以加入落個布口罩。八方相信無論個公仔幾得意都好，政府都唔敢加隻小熊維尼落個口罩度嘅。

-----------------------------
《囚牢之疆》 專頁
揭開集中營邪惡面紗
獲2020年人權新聞獎「多媒體（中文）」大獎
-----------------------------
【武漢肺炎】專頁
全民自救 抗疫資訊盡在《蘋果》
-----------------------------
App內1-Click訂閱《蘋果動新聞》
按此了解更多