食粟米知做事作風
大家有冇諗過，原來食粟米的方式，係可以反映一個人嘅個性同做事作風。在美國，有調查說大部份人原來都是以旋轉的方式食粟米，另亦有不少人直接從上食到下。又原來360度轉住嚟食粟米的，以肥仔居多。想知自己做嘢係咪「食塞米」，即刻來個小測試。
記者：吳佩璇
插圖：Joe
A﹒360度旋轉式吃法
解說
A好聽啲講，你份人做事保守穩陣。但難聽啲講，就有點縮頭縮尾，更鍾意將決定權推卸給別人。奉勸你一句，還是果斷一點好。
B﹒掰開一半後才吃
解說
B此類人慎重得嚟又過於有戒心，超級介意人哋點睇你，以致做事時成日將注意力放在人家的眼光之上。咁樣做嘢其實唔係咁健康，不妨大膽啲。
C﹒由上啜到落底
解說
C同上述類型人剛剛相反。選C的朋友為我行我素者，是個做事積極而又不理會人家閒言的人，故做事往往能勇往直前。
D﹒用刀叉慢慢食
解說
D一睇都知呢類人比較矯揉造作，甚至帶點神經質，做事偏向只着重門面工夫。其實做番自己，大方自然一啲，可能對你做事更有幫助。