最近小一派位搞到家長好頭痕，好多人對本地教育失信心，寧願送仔女讀國際學校。到底外國教育制度有乜咁特別？上周末一連兩日，八方參觀一場別開生面的數學比賽，由十四間本港及東南亞英童學校合辦，唔需要學生乖乖坐定答試卷，而係跑來跑去手腦並用，由學校玩到去香港公園，再去到鬧市，老師都要玩埋一份，總之就花臣多多，參加的學生大呼過癮。頭十名得獎學生過半係香港學生，不過冠軍就俾大馬學生攞咗。
八方同一啲學生家長傾開，講到本地名校轉直資，資源、質素方面會否拉近與國際學校的距離時，結果發現家長都唔係咁睇好。事關國際學校就算小學老師都有博士學位，人工閒閒哋六萬八萬，加埋房屋等各項津貼分分鐘十幾萬，本港學校肯使錢都未必可以在短時間內請到咁多人才。


E-mail：[email protected]